काठमाडौं । सिद्धार्थ बैंकका प्रमुख कार्यकारी अधिकृत शम्भुनाथ गौतमले गत आर्थिक वर्षमा एक करोड ५१ लाख ३८ हजार रुपैयाँ पारिश्रमिक, भत्ता तथा सुविधा लिएका छन ।
त्यस्तै नायब प्रमुख कार्यकारी अधिकृत सुन्दर प्रसाद कडेलले एक करोड ७ लाख रुपैयाँ लिएका छन । बैंकले प्रमुख करायकारी अधिकृतसहित उच्च व्यवस्थापकहरुको लागि मात्रै २० करोड ८७ लाख रुपैयाँको तलब तथा अन्य सुविधा दिएको छ । बैंकले कुल व्यावस्थापनको लागि दुई अर्ब ७८ करोड रुपैयाँ खर्च गरेको हो।
कर्मचारीहरुले गत आर्थिक वर्षमा ३६ करोड ६६ लाख रुपैयाँ बोनस प्राप्त गरेका छन। गत आर्थिक वर्षमा बैंकको सञ्चालक समितिको १२ वटा बैठक बसेको थियो ।
सञ्चालक समितिको बैठकमा सबैभन्दा धेरै उपस्थित भएका नरेन्द्र कुमार अग्रवालले बैठक भत्ता एक लाख ३० हजार रुपैयाँ प्राप्त गरेका छन । कुल सञ्चालक समितिको बैठक भत्ता ११ लाख ७६ हजार रुपैयाँ प्राप्त गरेका छन ।
२०७६ कात्तिक ११ गते प्रकाशित
वि.सं.२०७६ कात्तिक ११ सोमवार ११:४९ मा प्रकाशित
