काठमाडौं । आज र भोलि सार्वजनिक विदा दिइएको छ । देशको छुट्टाछुट्टै स्थानमा आज आइतबार र भोलि अर्थात कात्तिक २४ गतेका दिन सार्वजनिक विदा दिने भएको छ ।
आज मुस्लिम समुदायको पैगम्बर मोहम्मदको जन्म दिनको अवसर पारेर प्रदेश २ मा सार्वजनिक बिदा दिइएको प्रदेशको आन्तरिका मामिला तथा कानून मन्त्रालयले जनाएको छ ।
त्यस्तै भोलि कात्तिक २४ गते सोमवार पनि इलामका तीन स्थानीय तहले सार्वजनिक विदा दिएका छन् ।इलामको फाकफोकथुम, माङ्सेबुङ गाउँपालिका र माई नगरपालिकाले कात्तिक २५ गते सार्वजनिक विदा दिएका हुन ।
किराँत धर्मावलम्बीहरुका महागुरु राष्ट्रिय विभूति फाल्गुनन्द लिङ्देनको १३५ औँ जन्मजयन्तीको अवसर मा कात्तिक २५ गते सार्वजनिक विदा दिने निर्णय गरेको सुचनामा उल्लेख छ ।
किराँत धर्मावलम्बिकै धर्मगुरु मानिनेआत्मानन्द लिङ्देनको जन्मोत्सवको अवसरमा मङ्सिर १८ गते गाउँपालिकामा सार्वजनिक विदा दिने निर्णय गरिएको गाउँपालिकाले जनाएको छ ।
२०७६ कात्तिक २४ गते प्रकाशित
वि.सं.२०७६ कात्तिक २४ आइतवार ०८:३० मा प्रकाशित