काठमाडौं । प्रधानमन्त्री केपी शर्मा ओलीका प्रेस सल्लाहकार सूर्य थापाले पद बहाली गर्नुभएको छ । प्रधानमन्त्री तथा मन्त्रिरिषदको कार्यालयमा आज थापाले पद बहाली गर्नुभएको हो ।
पदबहाली गरेसँगै उहाँले मिडियासँग सहकार्य गर्दै अगाडि जाने बताउनुभयो । नेकपा पार्टीको प्रचार विभाग उपप्रमुखसमेत रहनुभएका थापालाई कात्तिक २९ गते प्रधानमन्त्रीको पे्रस सल्लाहकारमा नियुक्ति गर्ने निर्णय गरिएको थियो ।
थापा यसअघि झलनाथ खनाल प्रधानमन्त्री हुँदासमेत प्रेस सल्लाहकार बनिसक्नुभएको छ ।
२०७६ मंसिर ०३ गते प्रकाशित
वि.सं.२०७६ मंसिर ३ मंगलवार १३:३८ मा प्रकाशित
