काठमाडौं । पुल्स हाइड्रोपावर कम्पनीको साधारण सभा पुस २७ गते बस्ने भएको छ । सभामा कम्पनीले आइपीओ निष्कासन गर्ने एजेन्डा लैजाँदैछ ।
सभा, बानेश्वर बैंकेट थापागाउ, नयाँ बानेश्वरमा दिउसो १ बजे सुरु हुने छ । साधारण सभाले अनुमोदन गरेपछि आइपीओ निष्कासन प्रक्रिया सुरु हुनेछ । पहिला धितोपत्र बोर्डमा आवेदन दिनुपर्छ । बोर्डबाट अनुमति पाएपछि बिक्री खुलाका लागि काम अघि बढ्ने गर्छ ।
कम्पनीको प्रबन्धपत्र र नियमावलीमा संशोधन गर्ने एजेन्डा पनि छ । अन्य कुनै कम्पनीहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव पनि छ ।
आर्थिक वर्ष २०७५/७६ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ ।
२०७६ पुस ०७ गते प्रकाशित
वि.सं.२०७६ पुस ७ सोमवार १०:०६ मा प्रकाशित