काठमाडौं । एभरेष्ट बैंकले मध्यमवर्गिय परिवारलाई लक्षित गर्दै घर कर्जा योजना ल्याएको छ ।
बैंकले ‘घरभाडा भन्दा बैंकको किस्ता सस्तो भएपछि अब भाडा होइन आफ्नै घरको किस्ता बुझाउँ’ भन्ने नारासहित न्यूनतम सरल मासिक किस्ता ९ हजार ३ सय ६३ रुपैयाँ मात्रै तिर्न मिल्ने योजना ल्याएको हो ।
१० लाख रुपैयाँदेखि ४० लाख रुपैयाँसम्मको ऋण दिनेछ । बैंकका अनुसार १० लाख रुपैयाँ ऋण लिनेले मासिक ९ हजार ३ सय ६३ रुपैयाँ, २० लाख रुपैयाँ ऋणमा १८ हजार ७ सय २७ रुपैयाँ र ४० लाख ऋण लिएमा ४० हजार ४ सय ५४ रुपैयाँ मासिक किस्ता तिर्नुपर्नेछ ।
यो अभियानमा ग्राहकहरुले सर्भिस चार्जमा २५ प्रतिशत विशेष छुट तथा २५ वर्षसम्मका लागि ऋण पाउने बैंकद्वारा जारी विज्ञप्तिमा उल्लेख छ ।बैंकको ग्राहक संख्या १० लाख भन्दा बढि छन।
२०७६ पुस १० गते प्रकाशित
वि.सं.२०७६ पुस १० बिहीवार ०९:२३ मा प्रकाशित
