काठमाडौं । प्राइम कमर्सियल बैंकको वार्षिक साधारण सभा हुने ठाँउ परिवर्तन भएको छ । अब बैंकको सभा पुस २५ गते बिहान १० बजे आर्मी अफिसर्स क्लब, सुन्धारा काठमाडौंमा हुनेछ ।
यसअघि बैंकले राष्ट्रिय सभागृह, प्रदर्शनीमार्ग ,काठमाडौंमा साधारण सभा गर्ने बताएको थियो । राष्ट्रिय सभागृहले हल उपलब्ध गराउन नसक्ने जानकारी गराएपछि साधारण सभा हुने ठाउँ परिवर्तन गर्नुपरेको बैंकको भनाई छ ।
सभामा प्राइमले कैलाशलाई एक्वायर गर्ने प्रस्ताव पेश गर्दैछ । सम्पति तथा दायित्व मूल्यांकन प्रतिवेदनका आधारमा तय भएको १ः०.९४ सेयर स्वाप रेसियोमा एक्वायर प्रक्रिया सम्पन्न गर्ने कार्यलाई अन्तिम स्वीकृति दिने एजेन्डा रहेको छ । यसर्थ, कैलाशको १०० सय कित्ता सेयर हुनेले अब प्राइमको ९४ कित्ता पाउनेछन् ।
सभाले एक्वायर सम्बन्धी सम्झौताहरुको अनुमोदन पनि गर्नेछ । एक्वायरपछि जारी पुँजी, चुक्ता पुँजी र सोही अनुसार सेयर संरचना परिवर्तन हुने भएकाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव पेश हुनेछ ।
एक्वायरपछि प्राइम कमर्सियल बैंकको नामबाट कारोबार हुनेछ । प्राइमले आर्थिक वर्ष २०७५–७६ को नाफाबाट १६५ बोनस सेयर दिने प्रस्ताव गरेको छ । यो प्रस्ताव पनि सभामा पेश गरिदैछ ।
२०७६ पुस १५ गते प्रकाशित
वि.सं.२०७६ पुस १५ मंगलवार १०:४० मा प्रकाशित