काठमाडौं । १०२ मेवा क्षमताको मध्य भोटेकोशी जलविद्युत् आयोजनाले प्राथमिक सार्वजनिक निस्कासन (आईपीओ) जारी गर्ने भएको छ ।
सिन्धुपाल्चोक जिल्लामा निर्माणाधीन उक्त आयोजनाले रू. १ अर्ब ५० बराबरको आईपीओ जारी गर्न मंगलवार नागरिक लगानी कोषसँग प्रत्याभूति सम्झौता गरेको हो ।
अव आयोजनाले आयोजना प्रभावित स्थानीय र सर्वसाधारणका लागि छुट्याएको २५ प्रतिशत सेयर निष्कासन गर्नका लागि प्रक्रिया अगाडि बढाउने छ ।
सम्झौताअनुसार आयोजनाले प्रभावित क्षेत्र बासिन्दाका लागि १० प्रतिशतका दरले ६० लाख कित्ता सेयर जारी गर्नेछ । यसैगरी सर्वसाधारणका लागि १५ प्रतिशतको ९० लाख कित्ता जारी गर्नेछ ।
कुल १ करोड ५० लाख कित्ता सेयरबापत रू. १ अर्ब ५० करोडबराबरको सेयर दोस्रो चरणमा सार्वजनिक निष्कासन गर्नका लागि आयोजनाले कोषसँग प्रत्याभूत सम्झौता गरेको हो ।
सम्झौतामा सेयरधनीतर्फ छुट्याइएको ५१ प्रतिशतको शतप्रतिशत असुल भएको उल्लेख गरिएको छ । बाँकी ४९ प्रतिशत शेयर कर्मचारी सञ्चय कोषका सञ्चयकर्ता, संस्थापक कर्मचारीका लागि प्रथम चरणमा निष्कासन गरिएको थियो । जुन सेयर पुस ४ गते सम्ममा बाँडफाटसमेत भइसकेको छ ।
२०७६ पुस २९ गते प्रकाशित
वि.सं.२०७६ माघ ३ शुक्रवार १६:०६ मा प्रकाशित