काठमाण्डौं । नेपालमा गाडी उत्पादन गर्ने एक मात्र कम्पनी हुलास मोटर्सले ६ महिना भित्रमा हुलास विद्युतीय कार बजारमा ल्याउने र यसको अनुमानित मूल्य १७ लाख रुपैयाँ हुने बताएकोछ
यस अघि हुलास मोटर्सले मुस्ताङ म्याक्स गाडीको उत्पादन गरेको थियो भने हाल इलेक्ट्रिक रिक्सा उत्पादन गर्दै आएको छ।
उक्त कारको ब्याट्री फुल चार्ज गर्न ८ घण्टा समय लाग्नेछ। यो एकपटक चार्ज गरेपछि १ सय ५० देखि १ सय ६० किलोमिटरसम्म गुड्ने क्षमताको हुनेछ। यसरी बन्ने विद्युतीय कारको ब्याट्रीमा एक वर्षको वारेन्टी दिइनेछ। यदि ब्याट्री परिवर्तन गर्न परेमा सेटको १ लाखदेखि १ लाख ५० हजार रुपैयाँसम्म लाग्नेछ भने कारको गति ५५ देखि ६० किमी प्रतिघण्टा हुनेछ।
हाल नेपालमा विद्युतीयकारमा महिन्द्राको ‘इ–टुओ’ को मूल्य २४ लाख ३५ हजार रुपैयाँ छ।
२५ चैत २०७२, ९.००
वि.सं.२०७२ चैत २५ बिहीवार १२:१५ मा प्रकाशित
