काठमाडौं । राष्ट्रिय विकास समस्या समाधन समितिको ४७औँ बैंठक विविध निर्णय गर आइतवार सम्पन्न भएको छ ।
बैठकको सम्वोधन गर्दै प्रधानमन्त्री एवं समितिका अध्यक्ष केपी शर्मा ओलीले आयोजना बैंकको सूचना प्रणाली शुभारम्भ गर्नुभयो । शुभारम्भपछि प्रधानमन्त्री ओलीले सरकारी निकायका पुँजीगत खर्च गर्ने क्षमतामा सुधार गर्न निर्देशन दिनुभएको छ ।
पछिल्ला वर्षहरु दातृ निकायबाट स्रोत व्यहोरिएका आयोजनाको खर्च गर्ने क्षमता कमजोर रेहकाले थप सुधार गर्न प्रधानमन्त्रीले निर्देशन दिनुभएको हो ।
विकासको वर्तमान अवस्था, आयोजना र कार्यक्रमको प्रगति र विकास अवरोधहरु हटाउने विषयमा समीक्षा गरि कार्यान्वयनमा प्रभावकारिता ल्याउनु पर्ने तथा राष्ट्र प्रगतिको पथमा रहेतापनि वार्षिक बजेटको तुलनामा प्रथम चौमासिकको पुँजिगत खर्च लक्ष्य अनुरुप हुन नसकेको बताउनुभयो ।
बैठकले विदेशमा आयोजना हुने सभा सम्मेलन आदिमा संघ, प्रदेश र स्थानीय तहबाट नेपालको प्रतिनिधित्व हुँदा प्रस्तुत समस्या सम्वोधन गर्ने सम्वन्धमा परराष्ट्र मन्त्रालयल ४ महिना भित्र आवश्यक रणनीति तयार गरी स्वीकृतका लागि म.प.मा प्रस्ताव पेश गर्ने निर्णय गरेको छ ।
यस्तै समृद्ध नेपाल सुखी नेपालीको राष्ट्रिय आकांक्षा पूरा गर्न गत वर्ष सम्पन्न भएको लगानी सम्मेलनमा मित्रराष्ट्रहरुबाट व्यक्त लगानीको प्रतिवद्धतालाई फ्लोअप गर्न र वैदेशिक लगानी आकर्षण गर्न अन्तर मन्त्रालय संयन्त्र गठन गर्नुपर्ने भएकाले राष्ट्रिय योजना आयोगको आर्थिक क्षेत्र हेर्ने सदस्यको संयोजकत्वमा सरोकारवाला अन्य निकायका पदाधिकारीहरु समेत सम्मिलित एक संयन्त्र गठन गरि वैदेशिक लगाानी बढाउने संयन्त्र तयार गरि कार्यान्वयन गर्ने लगायतका महत्वपूर्ण ६ निर्णयहरु गरेको छ ।
यस्ता छन् ६ निर्णयहरु :
वि.सं.२०७६ माघ २७ सोमवार १०:५१ मा प्रकाशित