काठमाडौँ । काठमाडौं उपत्यकाका विभिन्न स्थानहरुमा दुई दिन विद्युत लाइन अवरुद्ध हुने भएको छ । आज चैत्र ११ र भोलि १२ गते बिहान ११ बजेदेखि साँझ ५ बजेसम्म कुलेश्वर वितरण केन्द्र अन्तर्गतको विद्युत् लाइन अवरुद्ध हुने भएको हो ।
कलङ्की देखी ढुंगेधारा सम्मको चक्रपथ विस्तार कार्यको लागि स्वीचाटार– स्वयम्भू फिडरबाट वितरित एच टी लाइनको जम्पर छुटाइ कार्य गर्नुपर्ने भएकोले बिहान ११ बजेदेखि साँझ ५ बजेसम्मे विद्युत् अवरुद्ध हुने नेपाल विद्युत प्राधिकरणले जनाएको छ ।
उक्त फिडर अन्तर्गत बुढाथोकी कोल्ड स्टोर, मुसलवान टोल, बुढानीलकण्ठ मन्दिर, टेम्पो पार्क, सिभिल होम्स, टौखेल, अलाकत्रा फ्याक्ट्री लगायतका ग्राहकमा असुविधा पर्ने भएको छ ।
निर्धारित समय अगावै सो कार्य सम्पन्न भएमा समय भन्दा अगावै लाइन सुचारु हुन सक्ने समेत विद्युत प्राधिकरणले जनाएको छ ।
वि.सं.२०७६ चैत ११ मंगलवार ०७:०६ मा प्रकाशित
