दमौली । व्यास नगरपालिकाले लकडाउनमा पनि मासु पसल खोल्न दिने भएको छ । यसअघि लकडाउन लागू भएदेखि नै मासु पसल बन्द हुँदै आएका थिए ।
तर मासु व्यवसायीका प्रतिनिधिले तरकारी र आवश्यक खाद्यवस्तुसँगै मासु पसल पनि खोल्न दिन माग गरेपछि नगरपालिकाले बिहान तीन घण्टा खोल्न दिन लागेको हो ।
तर नगरपालिकाले यसका लागि केही शर्त राखेको छ । नगर उप प्रमुख मीरा जोशीका अनुसार आवश्यक सावधानी अपनाएर मात्र पसल खोल्न पाइनेछ । नगरपालिकाले व्यवसायीलाई जिल्ला भित्रका पशुपंक्षी मात्र उपयोग गर्न भनेको छ ।
हेर्नुहोस् विज्ञप्ति :
वि.सं.२०७७ वैशाख १६ मंगलवार १६:२१ मा प्रकाशित
