काठमाडौं । अर्थमन्त्री डा. युवराज खतिवडाले चालु आर्थिक वर्षमा ५८ प्रतिशत पुँजीगत खर्च हुने अनुमान सार्वजनिक गर्नुभएको छ । कोरोनाका कारण खर्चमा सिथिलता आउँदा पुँजीगत खर्च संकुचित हुँने अवस्था आएको अर्थमन्त्री खतिवडाले बताउनुभयो ।
संसदमा आगामी आर्थिक वर्षको बजेट प्रस्तुत गर्दै अर्थमन्त्री खतिवडाले चालु वर्षमा १० खर्ब ७३ अर्ब रुपैयाँ बजेट खर्च हुने उल्लेख गर्नुभयो । उहाँले चालु खर्च ७३ प्रतिशत, पुँजीगत ५८ .६ प्रतिशत र वित्तीय व्यवस्थातर्फ ७८ प्रतिशत खर्च हुने बताउनुभयो ।
खतिवडाले चालु आर्थिक वर्षमा ८ खर्ब २७ अर्ब रुपैयाँ राजस्व संकलन हुने संशोधित अनुमान पनि प्रस्तुत गर्नुभएकोे छ । उहाँले चालु वर्षमा ३२ रुपैयाँ अनुदान र वैखेशिक ऋण १२१ अर्ब रुपैयाँ प्रताप्त हुने बताउनुभयो ।
वि.सं.२०७७ जेठ १५ बिहीवार १६:१२ मा प्रकाशित