काठमाडौं । गण्डकी प्रदेशमा थप २१ जनालाई कोरोना संक्रमण पुष्टि भएको छ । गण्डकी स्वास्थ्य निर्देशनालयले बुधबार बिहान विज्ञप्ति जारी गरेर दिएको जानकारीअनुसार नवलपरासीका १८ र पर्वतका ३ जनामा कोरोना संक्रमण पुष्टि भएको हो।
त्यसमा पनि नवलपरासीको हुप्सेकोटमा मात्रै १४ जनामा संक्रमण देखिएको छ । योसँगै गण्डकीमा संक्रमितको संख्या २ सय ४७ पुगेको छ ।
थपिएका २१ संक्रमित सबै भारतबाट फर्किएर सम्बन्धित जिल्लाको क्वोन्टिनमा बसेका व्यक्ति हुन। उनीहरूलाई सम्बन्धित जिल्लाका आइसोलेसन कक्षमा राखिने गण्डकी स्वास्थ्य निर्देशनालयले जनाएको छ ।
वि.सं.२०७७ असार ३ बुधवार ०८:५३ मा प्रकाशित
