काठमाडौं । शिखर इन्स्योरेन्सको रोकिएको ३० प्रतिशत हकप्रद शेयर असार १४ गतेदेखि विक्रीमा आएको छ । उक्त कम्पनीले यस अघि चैत १३ गतेदेखि ३१ लाख ७१ हजार ९३२ कित्ता हकप्रद विक्री गर्ने तयारी गरेको थियो ।
उक्त समयमा कोरोना संक्रमणका कारण देशमा जारी भएको लकडाउनका कारण कम्पनीले हकप्रद शेयरको विक्री रोकेको थियो ।उक्त कम्पनीले हकप्रद विक्री गर्न नियामक निकाय नेपाल धितोपत्र बोर्डबाट माघ ४ गते स्वीकृति पाएको हो ।
कम्पनीले हाल कायम चुक्तापूँजी रू. १ अर्ब ५ करोड ७३ लाख १० हजारको आधारमा ३० प्रतिशत हकप्रद शेयर विक्री गर्न लागेको हो ।साउन ४ गतेसम्म विक्रीमा रहने उक्त हकप्रद खरीदका लागि मेरो शेयरमार्फत घरमै वसेर वा सि—आस्वा सेवामा सहभागी सम्पूर्ण बैंक तथा वित्तीय संस्थाबाट आवेदन दिन सकिनेछ । हकप्रद विक्री प्रबन्धकमा एनआईबिएल एस क्यापिटल रहेको छ ।
वि.सं.२०७७ असार १४ आइतवार १२:१७ मा प्रकाशित
