काठमाडौं । कारोबार खुलेको डेढ घण्टा नपुग्दै शेयर बजार ६ प्रतिशतले बढेपछि सर्किट ब्रेक लाग्दा कारोबार बन्द गरिएको छ । बुधबार पनि शेयर बजारमा छलाङ हान्दै ७५ अंकले बढेको हो ।
११ बजे खुलेदेखि नै उकालो लागेको बजारमा खरिद गर्नेहरुको चाप ह्वात्तै बढेको थियो । साढे १२ नहुँदै बजार ६ प्रतिशतले बढ्दा सर्किट लगाएर कारोबार बन्द गर्नुपरेको हो ।
६ प्रतिशतले बजार बढेमा वा घटेमा त्यस दिनका लागि कारोबार बन्द हुने भएकाले बुधबारका लागि बजार नै बन्द गरिएको हो ।
मंगलबार पनि ६ प्रतिशतले नै बजार बढ्दा सर्किट लागि कारोबार बन्द गरिएको थियो । ७५ अंकले बढेसँगै नेप्से १३ सय ३६ अंकमा पुगेको छ ।
४० करोड रुपैयाँको कारोबार हुँदा होटलबाहेकका सबै उपसमूह बढेका छन् । होटल समूह ५ अंकले घट्दा बैंकिङ ८२, व्यापार ३३, विकास बैंक ५७, जलविद्युत ३३, फायनान्स ४, निर्जीवन बीमा ३२२, उत्पादन १०२, अन्य २०, माइक्रोफाइनान्स १०१, जीवन बीमा ५४८ अंकले बढेका छन् ।
वि.सं.२०७७ असार १७ बुधवार १२:४७ मा प्रकाशित
