चितवन । नारायणगढ–मुग्लिन सडक पहिरोले अवरुद्ध भएको छ । इच्छाकामना गाउँपालिकाको वडा नम्बर ६ स्थित चारकिलोमा सोमबार बिहानै पहिरो खसेपछि सडक अवरुद्ध भएको हो ।
बिहान ५ बजेतिर ठूलो पहिरो खसेको र सडकमा बिजुलीका २ वटा पोल समेत ढलेको चितवन प्रहरीले जनाएको छ ।मुलुकको प्रशासनिक केन्द्र काठमाडौं र पयटकीय शहर पोखरा आउजाउ गर्ने मुख्य मार्ग नारायणगढ–मुग्लिङ सडक अवरुद्ध हुँदा सयौं सवारी साधन अलपत्र परेका छन् ।
पहिरो खसिरहेको र ठूलो भएकाले पन्छाउन समय लाग्ने हुँदा सवारी एकतर्फी रूपमा लामवद्ध गरिदिन प्रहरीले अनुरोध गरेको छ ।
वि.सं.२०७७ साउन ५ सोमवार ०८:१४ मा प्रकाशित