काठमाण्डौं । सेयर खरिद बिक्रीका लागि हालसम्म २ लाख ७५ हजार ३९७ ले डिम्याट खाता खोलेका छन् । नयाँ आर्थिक वर्षदेखि सेयर कारोबारमा धितोपत्र बोर्डले डिम्याट खाता अनिवार्य गरेपछि डिम्याट खाता खोल्ने लगानीकर्ताहरुको संख्या दिनप्रतिदिन बढ्दो छ ।
बजारमा सवा २ लाखजति लगानीकर्ता सक्रिय छन् । नेप्सेका अनुसार हाल दैनिक ५ हजार वटा कम्पनीको सेयर कारोबार हुँदै आएको छ । अहिले सेयर बजार दिनप्रतिदिन बढ्दै गइरहेकोछ । सेयर बजार बढ्दा लगानीकर्ताको संख्या पनि बढ्छ ।
गत शुक्रबारसम्ममा केन्द्रीय निक्षेप सेवाले १७९ कम्पनीको ६५ करोड ५२ लाख ३६ हजार ७२६ कित्ता सेयरको अभौतिक अभिलेख (भौतिक सेयर प्रमाणपत्रलाई विद्युतीय रूप प्रदान गरेको) राखेको छ ।
२० बैशाख २०७३, ९.००
वि.सं.२०७३ वैशाख २० सोमवार १२:५२ मा प्रकाशित
