काठमाण्डौं । एनआइसी एशिया बैंक ले निष्काशनको प्रस्ताव गरेको २५ प्रतिशत हकप्रद शेयरलाई नेपाल धितोपत्र बोर्डले स्वीकृति दिएको छ । गत माघ १० मा भएको बैंकको साधारण सभाले बैंकको चुक्ता पूँजीको २५ प्रतिशत हकप्रद निष्काशन गर्ने प्रस्ताव पारित गरेर धितोपत्र बोर्डमा स्वीकृतिका लागि पठाएको थियो ।
२ अर्ब ५६ करोड रुपैंया चुक्ता पूँजीको ३९ प्रतिशत बोनस शेयर बितरण गरि अहिले चुक्ता पूँजी ३ अर्ब ७० करोड रुपैंया पुर्याएको बैंकले उक्त पूँजीको २५ प्रतिशतले हुन आउने ९२ लाख ३७ हजार ५ सय ४० कित्ता हकप्रद शेयर निष्काशन गर्न लागेको हो । हकप्रद निष्काशन पश्चात बैंकको चुक्ता पूँजी ४ अर्ब ६५ करोड रुपैंयाको हाराहारीमा पुग्नेछ ।
बैंकको हकप्रदलाई इक्रा नेपालले इक्रा रेटिंग ३ प्रदान गरेको छ । बैंकको शेयर निष्काशन तथा बिक्रि प्रबन्धक सिभिल क्यापिटल रहेको छ । धितोपत्र बोर्डले शेयर निष्काशनका लागि स्वीकृति दिएको २ महिना भित्रमा शेयर निष्काशन गरिसक्नु पर्ने व्यवस्था छ ।
२४ बैशाख २०७३, ८।००
वि.सं.२०७३ वैशाख २४ शुक्रवार १२:०९ मा प्रकाशित
