काठमाडौं । अमेरिकाको ओरिगन राज्यको जंगलमा लागेको डढेलोमा दशौं हजार मानिस विस्थापित भएका छन् ।
गर्भनर केट ब्राउनले डढेलोमा कयौँ मानिस हराएका बताउनुभएको छ । उहाँका अनुसार प्रभावित क्षेत्रका स्थानीय बासिन्दालाई सुरक्षित ठाउँमा बस्न आग्रह गरिएको छ । ४० हजार मानिसलाई सुरक्षित ठाउँमा सर्न भनिएको हो ।
अमेरिकाका १२ राज्यमा डढेलो विस्तार हुने क्रममा छ । डढेलोका कारण ओरिगनका चारसहित अहिलेसम्म ११ जनाको ज्यान गएको छ ।
डढेलोको जोखिमका कारण मानिसहरु घर बाहिर रहेको मौका छोपी लुटपाटका घटना पनि बढेका खबरमा उल्लेख छ ।
वि.सं.२०७७ भदौ २७ शनिवार १२:३५ मा प्रकाशित
