काठमाण्डौं । प्रभु बैंकले चैतसम्म ७५ करोड ७८ लाख रुपैयाँ खुद नाफा कमाएको छ । बैंकले अघिल्लो वर्षको सोही अवधिको तुलनामा ६ करोड रुपैयाँ नाफा बढाएको हो ।
अघिल्लो वर्षसम्म सञ्चालन नोक्सानमा रहेको यो बैंकले गत चैतसम्म ५२ करोड ६३ लाख रुपैयाँ सञ्चालन नाफा कमाएको छ । यसले बैंकको व्यापार बढेको देखाउँछ । यो वर्ष व्याज आम्दानी २२ करोड रुपैयाँ बढेर एक अर्ब २२ करोड रुपैयाँ पुगेको छ ।
फि र कमिशनबाट बैंकले सात करोड, अन्य सञ्चालन आम्दानी १८ करोड र विदेशी विनिमय कारोबारबाट १० करोड रुपैयाँ कमाएको छ । त्यस्तै ५९ करोड रुपैयाँ राइटव्याक गरेको छ । बैंकले संभावित नोक्सान व्यहोर्न १८ करोड ९० लाख रुपैयाँ प्रोभिजन गरेको छ ।
३१ बैशाख २०७३, ८।००
वि.सं.२०७३ वैशाख ३१ शुक्रवार ११:५० मा प्रकाशित
