काठमाण्डौं । अमेरिकाबाट प्रसारण हुने एक टेलिभिजन सिरियलको मुख्य भूमिकामा नेपाली ठिटोले अभिनय गरेका छन् ।
८ वर्षअघि विद्यार्थीका रूपमा अस्ट्रेलिया गएकाअर्घाखाँचीका राजीव भुसाल अमेरिकाबाट प्रसारण हुने कमेडी लभ स्टोरी ‘डेटिङ विथ कोरी’ मा अभिनय गरिरहेका छन् । १२ भागसम्म प्रसारण हुने टेलिचलचित्रमा उनका साथै अस्ट्रेलियाली कलाकारहरू बेक ग्लासकोक र क्या स्टेवार्ड, अमेरिकन कलाकार मउरिस स्कट र क्यानाडियन कलाकार टोरी ब्राउनिनको पनि अभिनय छ ।
‘यो निकै खुसीको खबर हो,’ सिड्नीमा रहेर कलाकारिता अध्ययन गरिरहेका भुसालले भने, ‘यसले मलाई नेपाली र अंग्रेजी दुवै क्षेत्रको कलाकारितामा बाटो खुल्ला गर्छ भन्ने आशा छ ।’
अहिले अस्ट्रेलियामा सुटिङ भइरहेको यो सिरियललाई अस्ट्रेलिया र अमेरिकाको लसएन्जल्समा चलचित्र निर्माणमा लागि परेका जेम्स प्राटले निर्देशन गरिरहेको भुसालले बताए ।
प्रकाशितः २०७३ जेठ ४
वि.सं.२०७३ जेठ ४ मंगलवार ११:१८ मा प्रकाशित
