काठमाडौं । प्राइम कमर्सियल बैंकले लाभांश प्रस्ताव गरेको छ । बैंकको आइतबार बसेको सञ्चालक समिति बैठकले गत वर्षको नाफाबाट १५ प्रतिशत बोनस सेयर दिने प्रस्ताव गरेको हो ।
सञ्चालक समितिको निर्णय नेपाल राष्ट्र बैंकबाट स्वीकृति र आगामी वार्षिक साधारण सभाले अनुमोदन गरेपछि सेयरधनीहरुले बोनस सेयर पाउने छन् । प्राइमले बोनसमा लाग्ने कर तिर्न नगद लाभांश नदिएकाले बोनसमा लाग्ने कर सेयरधनी आफैंले तिर्नुपर्ने भएको छ ।
बैंकको चुक्तापुँजी १३ अर्ब ९८ करोड ५२ लाख ४९ रुपैयाँ छ । प्रस्तावित बोनस सेयर वितरणपछि पुँजी १६ अर्ब ८ करोड ३० लाख रुपैयाँ पुग्नेछ ।
वि.सं.२०७७ पुस ६ सोमवार १०:४५ मा प्रकाशित
