काठमाडौं । महिला लघुवित्त वित्तीय संस्थाको आइपीओ निष्कासन गर्ने मिति २ दिन पर धकेलिएको छ । कम्पनीका अनुसार सीडीएस एन्ड क्लियरिङ लिमिटेडले देखाएको प्राविधिक कारणले आईपीओ निष्काशनको समय सरेको हो ।
माघ २८ गतेबाट आईपीओ निष्काशन गर्न लागेको कम्पनीले मिति २ दिन पर धकेलेर अब माघ ३० गतेबाट मात्रै आईपीओ निष्काशन गर्ने भएको छ ।
सर्वसाधारण लगानीकर्ताले माघद्द ३० देखि फागुन ४ गतेसम्म उक्त आईपीओमा आवेदन दिन पाउने छन् । उक्त अवधिमा माग अनुसार आवेदन नपरेको खण्डमा फागुन १४ गतेसम्म आवेदन दिन पाइने छ ।
कम्पनीले ४ लाख कित्ता आइपीओ निष्कासन गर्न लागेको हो । जसमा ५ हजार कित्ता कम्पनीका कर्मचारी, २० हजार कित्ता म्युचुअल फन्डलाई बाँडफाँट छुट्याएको छ । बाँकी रहेको ३ लाख ७५ हजार कित्तामा सर्वसाधारणले आवेदन दिन पाउने छन् ।
कम्पनीको आईपीओमा न्यूनतम १० देखि अधिकतम १ हजार कित्तासम्म आवेदन दिन सकिनेछ । लगानीकर्ताले सी–आस्वा सदस्य बैंक तथा वित्तीय संस्था, मेरो सेयरबाट आवेदन दिन सक्नेछन् । यसको बिक्री प्रबन्धक नेपाल एसबीआई मर्चेन्ट बैंकिङ रहेको छ ।
वि.सं.२०७७ माघ २३ शुक्रवार १०:४० मा प्रकाशित
