काठमाडौं । सांग्रिला डेभलपमेन्ट बैंकले लाभांश घोषणा गरेको केही समयमा नै नेप्सेले बैंकको सेयर कारोबार रोक्का गरेको छ ।
बैंकले सेयर कारोबार भइरहेको समयमा लाभांश घोषणा गरेको सूचना नेप्सेलाई पठाएपछि सेयर कारोबार रोक्का भएको हो ।
धितोपत्र विनियमावली २०७५ को विनियम २२(१) (घ) मा भएको व्यवस्था अनुसार धितोपत्रेको मूल्यमा प्रभाव पार्ने सूचना, जानकारी तथा निर्णय सोही दिन वा भोलिपल्ट कारोबार खुल्नु अगावै नेप्सेलाई जानकारी गराउनुपर्छ ।
नेप्सेले बैंकको सेयर कारोबार रोक्का गर्दै ३ दिनभित्र स्पष्टीकरण पेश गर्न निर्देशन दिएको छ ।
वि.सं.२०७७ फागुन १६ आइतवार १३:५३ मा प्रकाशित
