काठमाडौं । नेपाल उद्योग वाणिज्य महासंघ अन्तर्गतको पुँजीबजार फोरमले पुँजी बजारको सुधार र विकासको लागि धितोपत्र बोर्डलाई ४३ बुँदे सुझाव दिएको छ ।
फोरमले दिएको सुझावमा एनआरएनएहरुले सोझै दोस्रो बजारमा लगानी गर्न पाउने व्यवस्था गर्न, धितोपत्रसँग सम्बन्धी सम्पूर्ण नियमावली तथा निर्देशिकाहरुमा समय सापेक्षित संशोधन गर्न, नेप्सेमा सरकारी स्वामित्व कम गरी वैदेशिक रणनीतिक साझेदार ल्याउने, यथाशिघ्र अक्सन मार्केट सञ्चालनमा ल्याउने सुझाव दिएको छ ।
यस्तै फोरमले हकप्रदको निस्सा कारोबार गराउने, सरकारी ऋणपत्रलाई दोस्रो बजारमा कारोबार अझ चलायमान बनाउन आवश्यक पहल गर्न, छोटो अवधिको लागि सेयर खरिद बिक्री गर्ने व्यक्ति तथा संस्थाहरुको लागि ब्रोकर पोल एकाउन्ट मार्फत नै सेयर किनबेचको सेटलमेन्ट गर्न पाउने व्यवस्था निर्माण गर्ने व्यवस्था मिलाउन सुझाव दिएको छ ।
दलाल व्यवसायीको कार्यक्षेत्र थपगरि व्यवसायीहरुको वर्गीकरण गर्ने व्यवस्था गर्न, सब ब्रोकर र आधिकारीक प्रतिनिधि नियुक्त गर्न पाउने व्यवस्था गरी दोस्रो बजार चाँडो भन्दा चाँडो देशका हरेक कुनासम्म विस्तार गर्न सुझाव दिएको छ ।
वि.सं.२०७७ चैत १८ बुधवार १८:२२ मा प्रकाशित