काठमाडौं । रुरु जलविद्युत् परियोजनाको साधारण सेयर (आइपीओ) को बिक्री खुला भएको पहिलो दिन ४५ लाख ४२ हजार ५६० कित्ताको लागि ५४ करोड ५१ लाख ७२ हजार रुपैयाँको आवेदन परेको छ ।
आइपीओ निष्काशन भएको पहिलो दिन नै २ लाख ९३ हजार ९७६ वटा आवेदन परेको छ । कम्पनीको आइपीओ पहिलो दिन नै लगानीकर्ताको आकर्षणमा परेको छ ।
परियोजनाले एक सय रुपैयाँ अंकित मूल्यमा २० रूपैयाँ प्रिमियम जोडेर १२० रूपैयाँ प्रति कित्ताका दरले ४ लाख ७ हजार ७०६ कित्ता सेयर निष्काशन गरेको छ ।
जसमा ८ हजार १५४ कित्ता कर्मचारी र २० हजार ३८५ कित्ता सामूहिक लगानी कोषका लागि छुट्याएको छ भने ३ लाख ७९ हजार १६७ कित्तामा सर्वसाधारण लगानीकर्ताले आवेदन दिन पाउने छन् ।
आइपीओमा छिटोमा चैत्र २४ गतेसम्म र त्यस अवधिमा माग अनुसार आवेदन नपरेमा वैशाख ३ गतेसम्म आवेदन दिन सकिन्छ । यसमा न्यूनतम १० देखि अधिकतम सम्पूर्ण कित्ताका लागि आवेदन दिन सकिने छ । यसको बिक्री प्रबन्धकमा एनएमबि क्यापिटल रहेको छ ।
लगानीकर्ताले सि–आस्वा सदस्य रहेका बैंक तथा वित्तीय संस्था र तिनका शाखा कार्यालयहरुबाट आवेदन दिन सक्नेछन् । साथै मेरो सेयरबाट पनि आवेनद दिन सकिने छ ।
वि.सं.२०७७ चैत २० शुक्रवार १७:२६ मा प्रकाशित
