काठमाडौं । सानिमा बैंकले विद्युतीय माध्यमबाट केवाईसी अद्यावधिक गर्ने सुविधा संचालनमा ल्याएको छ । बैंकले ग्राहकको सुविधालाई मध्यनजर गर्दै विद्युतीय माध्यमबाट आफ्नो व्यक्तिगत विवरण अद्यावधिक गर्न सक्ने सुविधा ल्याएको हो ।
उक्त सेवा लिनका लागि बैंकको वेबसाइट www.sanimabank.com मा “Online KYC Update” माक्लिक गरी विद्युतीय फारममा आवश्यक विवरण भरेर आफ्नो व्यक्तिगत विवरण अद्यावधिक गर्न सकिने बैंकले जनाएको छ ।
यद्यपी मोबाइल नम्बर परिवर्तन गर्न र ल्याप्चे सहितको विवरणको लागि भने पायक पर्नेे सम्वन्धित शाखामा सम्पर्क गर्नुपर्ने बैंकका प्रमुख निक्षेप व्यवस्थापन रिटेल टंक मणि बरालले जानकारी दिनुभयो ।
बैंकमा उपस्थित नभई आफू अनुकूल स्थान र समयमा व्यक्तिगत विवरण छिटो, छरितो र सुरक्षित तरिकाले अद्यावधिक गर्न सकिने हुनाले यो सुविधाबाट धेरै भन्दा धेरै ग्राहकहरु लाभान्वित हुने बैंकको विश्वास रहेको छ ।
बैंकको सातै प्रदेशमा हाल ८६ वटा शाखा, १७विस्तारित काउन्टरर ९६ वटा एटिएम संचालनमा रहेका छन् ।
वि.सं.२०७७ चैत २३ सोमवार १६:११ मा प्रकाशित
