काठमाडौं । रिलायन्स फाइनान्सले चालु आर्थिक वर्षको तेस्रो त्रैमासको वित्तीय अवस्था सार्वजनिक गरेको छ ।
फाइनान्सले यो अवधिमा ८ करोड ६८ लाख ३४ हजार रुपैयाँ आर्जन गरेको छ । जुन गत आवको सोही अवधिको तुलनामा ३७.३० प्रतिशतले बढी हो । गत आवको सोही अवधिमा फाइनान्सको नाफा ६ करोड ३२ लाख ४१ हजार रुपैयाँ रहेको थियो ।
यो अवधिमा फाइनान्सको नाफा बढेपनि खुद ब्याज आम्दानी भने घटेको छ । यो अवधिमा फाइनान्सको खुद ब्याज आम्दानी १० करोड ७१ लाख ८३ हजार रुपैयाँ रहेको छ । गत आवको सोही अवधिमा १६ करोड १ लाख १३ हजार रुपैयाँ रहेको थियो । फाइनान्सको खुद ब्याज आम्दानी घटेपनि सञ्चालन मुनाफामा भने बढोत्तरी देखिएको छ ।
८३ करोड २४ लाख १६ हजार रुपैयाँ चुक्ता पुँजी रहेको फाइनान्सको जगेडा कोषमा २४ करोड ४६ लाख रुपैयाँ रहेको छ । ५ अर्ब ७७ करोड ७६ लाख रुपैयाँ निक्षेप संकलन गरेको फाइनान्सले ४ अर्ब १९ करोड २८ लाख रुपैयाँ कर्जा लगानी गरेको छ ।
फाइनान्सको खराब कर्जा २.६३ प्रतिशतबाट घटेर १.८८ प्रतिशत रहेको छ । प्रतिसेयर आम्दानी १३ रुपैयाँ ९१ पैसा (वार्षिक) रहेको फाइनान्सको प्रतिसेयर नेटवर्थ १५५ रुपैयाँ ३२ पैसा छ ।
वि.सं.२०७८ वैशाख १० शुक्रवार ११:५८ मा प्रकाशित
