काठमाडौं । साताको पहिलो कारोबार दिन सुनको मूल्य उकालो लागेको छ । आइतबार छापावाला सुनको मूल्य तोलामा १ सय रुपैयाँले बढेको हो ।
आज सामान्य वृद्धि भएको सुनको प्रतितोला ९१ हजार ८ सय रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।
अघिल्ला कारोबार दिन अर्थात शुक्रबार ९१ हजार ७ सय रुपैयाँमा खरिदबिक्री भएको थियो । आज तेजावी सुनको भाउ ९१ हजार ३ सय रुपैयाँ तोकिएको छ ।
यस्तै, आइतबार चाँदी मूल्य भने घटेको छ । उक्त दिन प्रतितोला ५ रुपैयाँले घटेर चाँदी १३ सय ४५ मा झरेको छ । शुक्रबार १३ सय ५० रुपैयाँमा कारोबार भएको थियो ।
वि.सं.२०७८ वैशाख २६ आइतवार १०:५४ मा प्रकाशित