काठमाडौं । नेपाल वनस्पति घ्यू तेला उत्पादक संघले प्रशोधित खाने तेलामा भएको मूल्य वृद्धि सम्वन्धी आएको समाचार प्रति ध्यानाकर्षण गराएको छ ।
सोमबार एक विज्ञप्ति जारी गर्दै संघले हालका दिनहरुमा खाने तेलमा भएको मुल्यवृद्धि सम्वन्धमा विभिन्न संचार माध्यमहरुमा आएको समाचारहरु प्रति ध्यानकर्षण भएको जनाएको छ ।
संघका सदस्य उद्योगहरुवाट कुनै प्रकारको कृतिम अभाव सृजना गरी मुल्य वृद्धि नभएको, हालको मुल्यवृद्धि अन्तराष्ट्रिय बजारमा दिनँहु भईरहेको मुल्य वृद्धिको कारणले भएको जानकारी गराएको छ ।
साथै हालको विषम परिस्थितिमा न्युन जनशक्तिवाट पनि यथासंम्भव उद्योग नियमित रुपमा संचालन गरी आपुर्ति व्यवस्थालाई सुचारु राख्ने प्रतिवद्धता जनाएको छ ।
संघमा आवद्ध रहेका २० वटा प्रशोधित खाने तेल उत्पादन गर्ने उद्योगहरुले नियमित रुपमा आफ्ना उत्पादनहरु सोयाविन तेल, सनफ्लावर तेल उत्पादन गरी स्थानिय वजारमा साथै निकाशी समेत गर्दै आईरहेका छ ।
विज्ञप्तिमा भनिएको छ, –”उद्योगहरुलाई चाहिने मुख्य कच्चापदार्थ क्रुड सोयाविन तेल, क्रुड सनफ्लावर तेल र तोरीको गेडा शतप्रतिशतब्राजिल, अर्जेन्टिना, क्यानडा, अष्ट्रेलिया, युक्रेन लगायतका देशहरुवाट आयात गर्नुपर्दछ । यसरी मुख्य कच्चा पदार्थ अन्तराष्ट्रिय बजारवाट आयात गर्नु पर्दा अन्तराष्ट्रिय बजारको व्यापार अनुरुप नै नेपालको समेत मुल्य निर्धारण हुने गर्दछ । विगत करिव १६ महिना देखी नै विश्वमा फैलिएको महामारी गर्दा खाने तेलको मुल्यमा समेत अस्वाभाविक रुपमा वृद्धि हुनगएको छ । जुनहालसम्मको ऐतिहासिक मुल्य वृद्धि नै रहेको छ ।”
वि.सं.२०७८ जेठ १७ सोमवार १८:०७ मा प्रकाशित