काठमाडौं । नेपाल इन्फ्रास्ट्रक्चर बैंक (निफ्रा)मा आइतबार लगानीकर्ता झुम्मिएका छन् । उक्त दिन कम्पनीको ८३ करोड ९० लाख ४४ हजार रुपैयाँ बरारबरको सेयर कारोबार भएको छ ।
कम्पनीको सेयर मूल्य साताको पहिलो कारोबार दिन ८.२६ प्रतिशतले बढेको छ । प्रतिकित्ता ४४ अंकले वृद्धि भएको कम्पनीको सेयर ५७७ रुपैयाँ पुगेको छ ।
आइतबार सर्वाधिक कारोबार गर्ने दोस्रो कम्पनीको रुपमा रहेको बैंकको १४ लाख बढी कित्ता सेयर खरिदबिक्री भएको छ । आज कम्पनीको १४ लाख ७८ हजार ८८५ कित्ता सेयर खरिदबिक्री भएको हो ।
वि.सं.२०७८ जेठ २३ आइतवार १५:४२ मा प्रकाशित