लण्डन । विश्वप्यापी महामारीको रुपमा फैलिएको कोरोनाका कारण विदेशमा थप १३ जना नेपालीको ज्यान गएको छ । गैरआवसीय नेपाली संघ (एनआरएनए) ले सार्वजनिक गरेको पछिल्लो तथ्याङ्कले यस्तो देखाएको हो ।
एआरएनए स्वास्थ्य समिति संयोजक डा. सञ्जिव सापकोटाका अनुसार साउदीमा ७ जना, भारतमा ५, कतारमा १ जना गरि कुल १३ जना नेपालीको ज्यान गएको जानकारी दिनुभयो ।
एनआरएनएले संकलन गरेको तथ्याङ्क अनुसार भारसहित विश्वभरका २८ मुलुकमा रहेका ४३५ जना नेपालीको कोरोनाका कारण निधन भएको जनाएको छ ।
एनआरएनए अन्तर्गतको स्वास्थ्य समितिका अनुसार हालसम्म विदेशमा ५४ देशमा १ लाख १० हजार १ सय ९६ जना नेपालीमा कोरोना संक्रमण देखिएको छ । ती मध्ये १ लाख ६ हजार ८ सय २३ हजार नेपाली कोरोनामुक्त भएका छन् ।हालसम्म विदेशमा कोरोना संक्रमणबाट ९३ प्रतिशत नेपाली मुक्त भएका छन् ।
संघका अनुसार विगत दुई सातामा भारत, माल्दिभ्स्, साउदी अबर, कतार लगायतका देशमा रहेका नेपालीमा थप कोरोना संक्रमण देखिएको छ ।
गैरआवासीय नेपाली संघले विगत कोरोना भाइरसको महामारी सुरु भए देखि विदेशस्थित नेपाली समुदाय, विदेशमा कार्यरत नेपाली चिकित्सक, नेपाली नियोग, संघसंस्था र संघका शाखाद्धारा प्राप्त सूचनाका आधारमा तथ्यांक संकलन गर्दै आएको छ ।
डा. सागर पौडेल (भारत), डा नितेश शर्मा (मध्यपूर्व), डा बोधराज सुवेदी (युरोप), डा. रुपक श्री (माल्दिभ्स) लगायत विश्वभर २ सय जना चिकित्सकहरुले तथ्यांक संकलनमा सहयोग गरिरहेका छन् ।
वि.सं.२०७८ जेठ २४ सोमवार १९:०३ मा प्रकाशित