काठमाडौं । आज जेठ २८ गते तीन इन्स्योरेन्स कम्पनीले साधारण सभा गर्दैछन् ।
हिमालयन, लुम्बिनी जनरल र सिद्धार्थ इन्स्योरेन्सले उक्त दिन सभा गर्ने मिति तय गरेका हुन् । यी मध्ये लुम्बिनी जनरलले भने भर्चुअल माध्यमबाट सभा गर्ने भएको हो ।
हिमालयन जनरलले आर्थिक वर्ष २०७६/७७ को मुनाफाबाट ३ प्रतिशत बोनस सेयर र कर प्रयोजनार्थ ३.७५ प्रतिशत नगद लाभांश विवरण गर्ने प्रस्ताव रहेको छ ।
त्यसैगरि आव २०७६/७७ को मुनाफाबाट ५ प्रतिशत बोनस सेयर र कर प्रयोजनार्थ ५ प्रतिशत लाभांश पारित गर्न लुम्बिनी जनरलले सभा गर्दैछ । कम्पनीले १६औँ सभा प्रयोजनका लागि जेठ १४ गते बुक क्लोज गरेको थियो ।
यस्तै, आज सिद्धार्थ इन्स्योरेन्सले पनि आव २०७६/७७ को मुनाफबाट १२ प्रतिशत बोनस सेयर र कर प्रयोजनार्थ ३.७८९४ प्रतिशत नगद लाभांश प्रस्ताव पारित गर्ने छ । सभा प्रयोजनका लागि कम्पनीको बुक क्लोज मिति जेठ १४ गतेदेखि २८ गतेसम्म रहेको थियो ।
वि.सं.२०७८ जेठ २८ शुक्रवार १०:३० मा प्रकाशित