काठमाडौं । साताको दोस्रो कारोबार दिन सुनको मूल्यमा गिरावट आएको छ । आज एकैदिन तोलामा ७ सय रुपैयाँले घटेको हो ।
नेपाल सुनचाँदी व्यवसायी महासंका अनुसार नेपाली बजारमा छापावाला सुनको मूल्य आजका लागि ९३ हजार २ सय रुपैयाँ कायम भएको जनाएको छ । अघिल्लो दिन ९३ हजार ९ सय रुपैयाँमा कारोबार भएको थियो ।
महासंघले सोमबारका लागि तेजावी सुनको मूल्य ९२ हजार ७ सय रुपैयाँ निर्धारण गरेको छ । तेजावी सुन अघिल्लो दिन ९३ हजार ४ सय रुपैयाँमा खरिदबिक्री भएको थियो ।
यस्तै, आइतबार स्थिर रहेको चाँदीको मूल्य पनि आज घटेको छ । प्रतितोला ५ रुपैयाँले घटेको चाँदीको मूल्य आजका लागि १३ सय ६५ रुपैयाँ कायम भएको महासंघले जनाएको छ । अघिल्लो दिन १३ सय ७० रुपैयाँ कारोबार भएको थियो ।
वि.सं.२०७८ जेठ ३१ सोमवार १०:४४ मा प्रकाशित
