काठमाडौं । केही समय दोहोरो अंकको बढोत्तरी देखिएको सेयर बजार करेक्सनको मुडमा देखिएको छ । अल टाइम हाई ट्रेन्डमा देखिएको बजारमा मंगलबार भने केही करेक्सन देखिएको छ ।
कारोबारको सुरु देखि नै बजारमा गिरावट देखिएको थियो । अन्तिम समयमा बजारमा ३.७२ अंकले घटेर परिसूचक ३०२२.११ बिन्दुमा रोकिएको छ । यो दिन २२६ कम्पनीको ३ करोड ९ लाख ४८ हजार ८५३ कित्ता सेयर १६ अर्ब ५२ करोड ८७ लाख ४९ हजार ७३८ रुपैयाँको सेयर किनबेच भएको छ । कारोबारमा अधिकांश कम्पनीको उपसूचकमा भारी गिरावट आएको छ ।
यो दिन बैंकिङ समूहको उपसूचक ६.८, विकास बैंक २२२.८९, जलविद्युुत कम्पनीको ९०.७५, वित्त कम्पनी ८६.५१, निर्जीबन बीमा १.७६, माइक्रोफाइनान्स ३९.१४, जीवन बीमा समूहको उपसूचकमा १०.४८ अंकको गिरावट देखिएको छ ।
यो दिनको कारोबारमा उत्पादन तथा प्रशोधन ७२.९२, अन्य ९०.३६, होटल समूहको उपसूचक ५८.२५ अंकको बढोत्तरी देखिएको छ । कारोबारमा नेपाल पुनर्बीमा कम्पनीको ७६ करोड ३० लाख ९७ हजार २२१ रुपैयाँको सेयर किनबेच भएको छ । दोस्रो र तेस्रोमा हाईड्रोइलेक्ट्रिसिटी डेभलपमेन्ट कम्पनी र हिमालयन डिस्ट्रिलरी रहेको छ ।
वि.सं.२०७८ असार १ मंगलवार १५:१० मा प्रकाशित