काठमाडौं । भन्सार विभागका अनुसार चालु आर्थिक वर्षको ११ महिनामा ५८ करोड ७७ लाख १४ हजार रुपैयाँको विद्युतीय कार, जीप तथा भ्यान आयात भएको छ ।
११ महिनाको अवधिमा ४ वटा देशबाट ५८ करोड ७७ लाख १४ हजार रुपैयाँको २१३ थान कार, जीप तथा भ्यान आयात भएको हो । उक्त साना विद्युतीय सवारी साधन आयात हुँदा राज्यले ३२ करोड १९ लाख ५४ हजार रुपैयाँ राजस्व पाएको छ ।
विद्युतीय कार, जीप, भ्यान चीन, भारत, दक्षिण कोरिया र अमेरिकाबाट आयात भएको छ । चीनबाट ११०, दक्षिण कोरियाबाट ६७, भारतबाट २३, अमेरिबाट १३ वटा गाडि आयात भएको छ ।
विभागका अनुसार भारतबाट ५० किलोवाटसम्मको ३ करोड ३८ लाख ३८ हजार रुपैयाँको २३ थान गाडि आयात भएको छ । यस्तै चीनबाट ५० किलोवाटसम्मको ५ करोड २८ लाख ७० हजारको ५४ वटा, ५० देखि १०० किलोवाटसम्मको ५ करोड १३ लाख ३९ हजार र १०० देखि १५० किलोवाटसम्मको ११ करोड १२ लाख ४४ हजार रुपैयाँको ३८वटा विद्युतीय साना सवारी साधान आयात भएको छ ।
यस्तै दक्षिण कोरियाबाट १०० किलोवाटसम्मको ५ करोड २२ लाख ६२ हजार रुपैयाँको १५ वटा, ५० देखि १०० किलोवाटसम्मको २ करोड ५० लाख ७६ हजारको ७ वटा र १५० देखि २०० किलोवाटसम्मको २० करोड ५८ लाख ६१ हजार रुपैयाँको ४५ वटा साना विद्युतीय सवारी साधान आयात भएको छ । विभागका अनुसार अमेरिकाबाट १०० देखि १५० किलोवाटसम्मको ५ करोड ५२ लाख २३ हजार १३ वटा साना विद्युतीय सवारी साधान आयात भएको छ ।
वि.सं.२०७८ असार ९ बुधवार १८:३७ मा प्रकाशित