काठमाडौं । चालु आर्थिक वर्षको पछिल्लो ११ महिनामा २६ करोड ८८ लाख ४० हजार रुपैयाँ बराबरको तास आयात भएको छ ।
बुधवार भन्सार विभागले सार्वजनिक गरेको जेठ मसान्तसम्मको तथ्याङ्कले यस्तो देखाएको हो । नेपालमा छिमेकी दुई मुलुक चीन र भारतसहित अन्य १० मुलुकबाट तास आयात हुने गरेको छ ।
नेपालमा सबैभन्दा बढी तास चीनबाट आयात हुने गरेको छ । पछिल्लो ११ महिनाको अवधिमा २४ करोड ९१ लाख ९३ हजार रुपैयाँ बराबरको तास आयत भएको विभागले जनाएको छ । उक्त अवधिमा १ करोड १५ लाख ६२ हजार ७४१ पिस र ३ लाख ६४ हजार २२६ प्याकेट तास आयात भएको देखिएको छ ।
चीनपछि नेपालमा सबैभन्दा धेरै तास अमेरिकबाट भएको छ । उक्त देशबाट जेठ मसान्तसम्म १ करोड १९ लाख ६६ हजार रुपैयाँ बराबरको आयात भएको छ । अमेरिकाबाट २ लाख ७६ हजार ५२३ पिस र २३ हजार ४७२ प्याकेट तास आयात भएको देखिएको छ ।
यस्तै, जर्जिया २६ लाख ७३ हजार रुपैयाँ बराबरको, भारबाट २२ लाख ९६ हजार रुपैयाँ बराबरको, ब्राजिलबाट ४ लाख २९ हजार, बेलायतबाट ४८ हजार, सिंगापुरबाट २७ हजार रुपैयाँ बराबरको तास आयात भएको छ ।
त्यसैगरि, अष्ट्रेरिया १ हजार रुपैया बराबरको १ पिस, इज्रायल ४ प्याकेट, मलेशियाबाट ४ प्याकेट र उल्लेख नभएका १० प्याकेट तास आयात भएको विभागको तथ्याङ्कमा उल्लेख छ ।
वि.सं.२०७८ असार ९ बुधवार १८:३९ मा प्रकाशित
