काठमाडौं । प्रधानमन्त्री केपी शर्मा ओलीले मन्त्रीको जिम्मेवारी हेरफेर गर्नु भएको छ । अहिले प्रधानमन्त्री ओलीसहित ५ जनाले मन्त्रीहरुले सबै मन्त्रालय चलाउनु हुने भएको छ । प्रम ओलीले रक्षा र परराष्ट्र मन्त्रालय चलाउनु हुने भएको छ ।
उपप्रधानमन्त्री विष्णु पौडेललाई अर्थ मन्त्रालयका साथै उद्योग, वाणिज्य तथा आपूर्ति, ऊर्जा, जलस्रोत तथा सिञ्चाइ र गृह मन्त्रालयको जिम्मेवारी दिएको छ ।
अहिलेका शिक्षा, विज्ञान तथा प्रविधि मन्त्री कृष्णगोपाल श्रेष्ठलाई वन तथा वातावरण, युवा तथा खेलकुद, श्रम रोजगार तथा सामाजिक सुरक्षा र स्वास्थ्य, तथा जनसंख्या मन्त्रालयको जिम्मेवारी दिएको छ ।
बसन्तकुमार नेम्वाङलाई कृषि तथा पशुपन्छी विकास, खानेपानी, भौतिक पूर्वाधार, सञ्चार तथा सूचना प्रविधि र सहरी विकास मन्त्रालयको जिम्मेवारी दिएको छ ।
यस्तै लीलानाथ श्रेष्ठलाई कानुन, न्याय तथा संसदीय मामिला, भूमि व्यवस्था सहकारी तथा गरिबी निवारण, महिला, बालबालिका तथा ज्येष्ठ नागरिक, संस्कृति पर्यटन तथा नागरिक उड्डयन र संघीय मामिला तथा सामान्य प्रशासन मन्त्रालयको जिम्मेवारी दिएको छ ।
वि.सं.२०७८ असार १० बिहीवार १७:१३ मा प्रकाशित
