काठमाडौं । सेयर बजारमा सामान्य अंकको सुधार भएको छ । बजारमा सामान्य सुधार हुँदा कारोबार रकममा भने उत्साहजनक अवस्था देखिएको छैन ।
निकै उतार चढावकाबीच बजारमा ५.०६ अंकले बढेर परिसूचक २८७५.४५ बिन्दुमा रोकिएको छ । २१९ कम्पनीको १ करोड ९२ लाख ८३ हजार ६५ कित्ता सेयर ७ अर्ब ७२ करोड ५५ लाख ९४ हजार ९६५ रुपैयाँको सेयर काराबोर भएको छ ।
कारोबारमा बैंकिङ समूहको उपसूचक ६.९५, माइक्रोफाइनान्स समूहको १११.४, जीवन बीमा समूहको उपसूचक १४.०६ अंकले बढेको छ । यो दिनको कारोबारमा अधिकांश समूहको उपसूचकमा गिरावट आएको छ । कारोबारमा विकास बैंक ७०.५८, जलविद्युत ६५.९५, वित्त कम्पनीको ५६.७, उत्पादन तथा प्रशोधन समूहको उपसूचक १२.४८ अंकले घटेको छ ।
यो दिनको कारोबारमा बैंकिङ समूहले बजारलाई बढाउन सहयोग गरेको छ । यो दिन बैंक र लघुवित्तमा लगानीकर्ता झुम्मिएका छन् । सोमबारको कारोबारमा सबैभन्दा बढी माथिल्लो तामाकोशी ६६ करोड ९४ लाख ४८ हजार ९८९ रुपैयाँको सेयर किनबेच भएको छ । दोस्रो र तेस्रोमा नेपाल इन्स्योरेन्स राधी विद्युत कम्पनी रहेको छ ।
वि.सं.२०७८ असार १४ सोमवार १५:१० मा प्रकाशित