काठमाडौं । आज अरुण भ्याली हाइड्रोपावर कम्पनीको लिलामी सेयरमा आवेदन गर्ने अन्तिम दिन रहेको छ ।
असार ९ गतेदेखि लिलामीमा ल्याएको ४ लाख ३५ हजार ८९४ कित्ता सेयरमा आज बैकिङ समयसम्म आवेदन दिन सकिने छ ।उक्त सेयरको मूल्य न्युनतम १ सय रुपैयाँ तोकिएको हुँदा सो वा सोभन्दा बढी मूल्य अंकित गरी बोलकबोल गर्नुपर्नेछ ।
बिक्री प्रबन्धकमा मुक्तिनाथ क्यापिटल रहेको छ । उक्त सेयरमा न्यूनतम १ सय कित्ताका लागि आवेदन दिन सक्नेछन भने अधिकतम सेयर संख्याको लागि कुनै हद नलाग्ने कम्पनीले जनाएको छ ।
कम्पनीले बैशाख ६ गते देखि जेठ २ गतेसम्म हकप्रद सेयर बिक्री खुला गरेकोमा बाँडफाँड भई बिक्री नभएको सेयर लिलामीमा ल्याएको हो ।
वि.सं.२०७८ असार १६ बुधवार १२:५८ मा प्रकाशित