काठमाडौं । साताको पहिलो दिन सेयर बजारमा सामान्य गिरावट देखिएको छ । निकै उतार चढावकाबीच बजारमा सामान्य गिरावट देखिएको हो । तर पछिल्लो समयमा बजारमा कारोबार रकम भने निकै घटिरहेको छ ।
यो दिन बजार मापन गर्ने सूचक ८.४८ अंकले घटेर परिसूचक २८३४.५२ बिन्दुमा रोकिएको छ । २२४ कम्पनीको १ करोड ८ लाख ४२ हजार २२१ कित्ता सेयर ५ अर्ब ५ करोड ३५ लाख ३८ हजार २५७ रुपैयाँको सेयर किनबेच भएको छ ।
कारोबारमा अधिकांश समूहको उपसूचकमा गिरावट देखिएको छ । यो दिन बैंकिङ समूहको ६.९, विकास बैंक ४५.४६, जलविद्युत ३.३५, निर्जीबन बीमा ११९.७९, उत्पादन तथा प्रशोधन २४.४२, माइक्रोफाइनान्स २५.८६, जीवन बीमा समूहको उपसूचक ४४.९९ अंकले घटेको छ ।
यो दिन सबैभन्दा बढी नेपाल इन्स्योरेन्सको २१ करोड ५७ लाख १६ हजार ५८९ रुपैयाँको सेयर किनबेच भएको छ । दोस्रो र तेस्रोमा नेपाल दुरसञ्चार कम्पनी र अप्पर तामाकोशी हाईड्रोपावर रहेको छ ।
वि.सं.२०७८ असार २० आइतवार १५:१२ मा प्रकाशित