काठमाडौं । सिटिजन्स बैंक इन्टरनेसनलले तयारीमा अवस्थामा रहेका शाखा कार्यालयहरु बिक्री गर्ने भएको छ । एक सूचना निकाल्दै बैंकले २ वटा प्रदेश अन्तर्गत रहेका शाखा कार्यालय बिक्री गर्न लागेको जनाएको छ ।
बैंकको शाखा कार्यालयहरु अन्य स्थानमा स्थानान्तरण गर्न लागेकाले उक्त शाखा कार्यालयहरुका आन्तरिक सजाव तथा स्थिर सम्पत्तिहरु यथास्थितिमा बिक्री गर्न लागेको हो । बैंकले लुम्बिनी प्रदेशका बुटवल, भुमही, घोराही शाखा र बागमती प्रदेश अन्तर्गतका टाँडी, नाराणगढ शाखा बिक्री गर्न लागेको हो ।
बैंकले अन्य बैंक तथा वित्तीय संस्था, बीमा कम्पनी, सहकारी संस्था तथा अन्य कार्यालय प्रयोजनका लागि उपयुक्त रहेको उक्त तयारी कार्यालय खरिद गर्न इच्छुक संघ संस्थालाई खरिद मूल्यसहित प्रस्ताव पेश गर्न अनुरोध गरेको छ ।
प्रस्ताव सूचना प्रकाशित भएको ७ दिनभित्र बैंक मुख्य कार्यालय सामान्य सेवा विभागमा पेश गर्नुपर्ने छ ।
वि.सं.२०७८ असार २२ मंगलवार ११:५१ मा प्रकाशित
