काठमाडौं । साताको तेस्रो कारोबार दिन नेपाली बजारमा सुनको मूल्य उकालो लागेको छ । आज छापावाला सुनको मूल्य तोलामा ३ सय रुपैयाँले वृद्धि भएको हो ।
नेपाल सुनचाँदी व्यवसायी महासंघका अनुसार अघिल्लो दिन प्रतितोला ९१ हजार ५ सय रुपैयाँमा खरिदबिक्री भएको सुनको मूल्य आजका लागि भने ९१ हजार ८ सय रुपैयाँ कायम भएको जनाएको छ ।
मंगलबारका लागि महासंले तेजावी सुनको भाउ ९१ हजार ३ सय रुपैयाँ निर्धारण गरेको छ । अघिल्लो दिन ९१ हजार रुपैयाँमा कारोबार भएको थियो ।
यस्तै, आज चाँदीको मूल्य पनि वृद्धि भएको छ । आज तोलामा ५ रुपैयाँले बढेको चाँदीको भाउ १३ सय ३० रुपैयाँ पुगेको छ । अघिल्लो कारोबार दिन १३ सय २५ रुपैयाँमा खरिदबिक्री भएको महासंघले जनाएको छ ।
वि.सं.२०७८ असार २२ मंगलवार ११:२५ मा प्रकाशित
