काठमाडौं । सेयर बजारमा साताको सुरु देखि नै आरोलो लाग्ने क्रम सुरु भएको छ । यो साता बजार मापन गर्ने सूचक मात्रै नभएर कारोबार रकम समेट घट्न थालेको छ ।
चालु आर्थिक वर्ष सकिन लागेको र आर्थिक वर्षको अन्तिम भएकाले बजारमा निकै गिरावट देखिएको जानकारहरुको भनाई छ । नेपाल राष्ट्र बैंकले साउन पहिलो साता आगामी आवको मौद्रिक नीति ल्याउने तयारी गरेको छ । त्यसले गर्दा पनि लगानीकर्ता पर्ख र हेरको अवस्थामा हुँदा बजार घटेको जानकाहरुको भनाई छ ।
बजारमा सामान्य अंकको तलमाथी हुनु यसको सुन्दर पक्ष नै हो । तर पछिल्लो समयमा २० अर्ब बढीको कारोबार हुँदा मंगलबार ४ अर्ब २२ करोड ४० लाख १८ हजार २५५ रुपैयाँमा सिमित भएको छ । सरकारले असार २५ गतेसम्म कर तिर्नु भनेको छ । जसले गर्दा पनि कारोबार रकममा दबाब परेको जानकारहरुको तर्क छ ।
मंगलबारको कारोबारमा बजार मापन गर्ने सूचक ५.२४ अंकले घटेर परिसूचक २८१८.११ बिन्दुमा रोकिएको छ । यो दिन २२० कम्पनीको १ करोड १ लाख ३५ हजार २०९ कित्ता सेयर किनबेच भएको छ ।
कारोबारमा अधिकांश समूहको उपसूचकमा गिरावट आएको छ । मंगलबारको कारोबारमा बैंक, निर्जीबन बीमा, उतपादन तथा प्रशोधन, माइक्रोफाइनान्स र जीवन बीमा समूहको उपसूचकमा केही सुधार देखिएको छ ।
वि.सं.२०७८ असार २२ मंगलवार १५:०६ मा प्रकाशित