काठमाडौं । असार २५ गते अर्थात शुक्रबार युनियन हाइड्रोपावरले साधारणसभा गर्ने भएको छ । उक्त दिन कम्पनीले १३औँ र १४औँ सभा गर्ने भएको हो ।
जेठ २३ गतेको सञ्चालक समितिले आर्थिक वर्ष २०७५/२०७६ र २०७६/०७७ को सभा गर्ने निर्णय गरेको हो । कम्पनीले लगानीकर्तालाई लाभांशको प्रस्ताव भने ल्याएको छैन ।
सभाले सञ्चालकहरूको निर्वाचन गरी नयाँ सञ्चालक समिति गठन गर्ने लगायतका प्रस्तावहरु पारित गर्नेछ । सभा प्रयोजनका लागि हाइड्रोपावरले असार १५ गते बुकक्लोज गरेको छ ।
असार १४ गतेसम्म कायम सेयरधनीहरुले सभामा सहभागिता जनाउन पाउनेछन् ।
वि.सं.२०७८ असार २३ बुधवार १३:५८ मा प्रकाशित
