काठमाडौं । नेशनल माइक्रोफाइनान्स लघुवित्त वित्तीय संस्थाले आजदेखि संस्थापक सेयर लिलामीमा ल्याएको छ ।
कम्पनीले संस्थापक समूहको ७६ हजार ५० कित्ता सेयर आजदेखि लिलामीमा बिक्री खुला गरेको हो । सेयर खरिद गर्न योग्य इच्छुक जो कोही व्यक्ति, कम्पनी, संघसंस्थाहरुले असार ३० गतेभित्र आवेदन दिन सकिने कम्पनीले जनाएको छ ।
उक्त सेयरको न्यूनतम मूल्य १ हजार २२ रुपैयाँ तोकिएको हुँदा सो वा सो भन्दा बढी अंकित गरी बोलकबोल गर्नुपर्ने छ ।सेयर खरिदका लागि न्यूनतम १ सय कित्ता र अधिकतम सेयर संख्याको कुनै हद नलाग्ने कम्पनीले जनाएको छ ।
बिक्री प्रबन्धक आरविवि मर्चेन्ट बैंकिङ्ग लिमिटेड रहेको छ ।
वि.सं.२०७८ असार २८ सोमवार १२:२१ मा प्रकाशित