काठमाडौं । निजी क्षेत्रका संस्थाहरुले निर्वाधरूपमा उद्योग व्यवसाय संचालन गर्ने वातावरण बनाई राख्ने काममा सहयोग पु¥याउन सम्पूर्ण श्रमिकहरू सहित सम्पूर्णलाई अपिल गरेका छन् ।
मंगलबार संयुक्त रुपमा एक विज्ञप्ति जारी गर्दै औद्योगिक शान्ति कायम गरी विद्यमान कठिन परिस्थितिबाट चा“डो बाहिर निस्कन व्यवसाय संचालनका लागि वातावरण सृजना गर्न अपिल गरेका हुन् ।
नेपाल उद्योग वाणिज्य महासंघ, नेपाल उद्योग परिसंघ र नेपाल चेम्वर अफ कमर्स संयुक्तरूपमा जारी विज्ञप्तिमा भनिएको छ– ‘कोरोना महामारीबाट उत्पन्न विषम र असहज परिस्थितिका कारण सम्पूर्ण उद्योग व्यवसायले ठूलो नोक्सानी व्यहोर्नु परेको अहिलेको अवस्थामा उद्योग र रोजगारी दुबैको बचाउ गर्नु पहिलो आवश्यकता हो । यसर्थ संकटग्रस्त र थलिएका उद्योग व्यवसायको पुनरूत्थान र पूर्ववत अवस्थामा फर्काउन सम्पूर्ण श्रमिकहरूले समझदारीका साथ थप प्रयास गर्नुको विकल्प छैन ।’
‘सरकारले हाल निर्धारण गरेको न्यूनतम पारिश्रमिक, पारिश्रमिक बृद्धि नभई न्यूनतम पारिश्रमिकको दरको बृद्धि मात्र हो’–विज्ञप्तिमा भनिएको छ ।
सरकारबाट चिया बगान बाहेकका प्रतिष्ठानमा काम गर्ने श्रमिकहरूको लागि हाल कायम रहेको न्यूनतम पारिश्रमिक पुनरावलोकन भएको छ । साउन १ गतेदेखि लागू हुने गरि मंहगी मत्ता सहित १५ हजार रुपैया निर्धारण गरेको छ । यसअघि १३ हजार ४५० रुपैयाँ कायम भएको थियो ।
तर, न्यूनतम पारिश्रमिकमा भएको बृद्धि सबै तहका श्रमिक कामदारको पारिश्रमिकमा बृद्धि नभएको निजी संस्थाहरुले स्पष्ट पारेको छ ।
विज्ञप्तिमा भनिएको छ,–न्यूनतम पारिश्रमिक भन्दा माथिको पारिश्रमिक प्रतिष्ठानले आफ्नो आर्थिक अवस्था अनुसार तय गर्ने हु“दा न्यूनतम पारिश्रमिकमा भएको बृद्धि रकम सबैले पाउनु पर्छ भन्ने होइन ।
वि.सं.२०७८ असार २९ मंगलवार १९:०२ मा प्रकाशित
