काठमाडौं । सेयर कारोबारको लागि यो साताको अन्तिम दिन बिहीबार निकमै उतार चढावका बीच सेयर बजारमा दोहोरो अंकको सुधार देखिएको छ । कारोबारमा बजार मापन गर्ने सूचक ११.३३ अंकले बढेर २८८३.३८ बिन्दुमा रोकिएका छ ।
२२३ कम्पनीको ५ करोड ८५ लाख २ हजार १०९ कित्ता सेयर ८ अर्ब १४ करोड ३६ लाख १४ हजार ३०२ रुपैयाँको सेयर किनबेच भएको छ ।
कारोबारमा अधिकांश समूहको उपसूचकमा सुधार देखिएको छ । यो दिन बैंक, जलविद्युत कम्पनी, वित्त कम्पनी, निर्जीबन बीमा, माइक्रोफाइनान्स समूहको उपसूचकमा सुधार आएको छ भने बाँकी समूहको उपसूचकमा गिरावट देखिएको छ ।
यो दिनको कारोबारमा कारोबार रकमको आधारमा गोर्खाज फाइनान्स अग्रस्थानम देखिएको छ । फाइनान्सको ३६ करोड ७० लाख २३ हजार ५७४ रुपैयाँको सेयर किनबेच भएको छ । दोस्रो र तेस्रो स्थानमा धेरै रकमको कारोबार भएका कम्पनीहरु एनआईसी एसिया बैंक र मेरो माइक्रोफाइनान्सको संस्थापक समूह रहेको छ ।
वि.सं.२०७८ असार ३१ बिहीवार १५:०५ मा प्रकाशित