काठमाडौं । एशियन लाइफ इन्स्योरेन्स कम्पनीले वार्षिक साधारण सभाका लागि मिति तय गरेको छ । कम्पनीको बिहीवार बसेको संचालक समितिले साउन ३१ गते सभा हुने निर्णय गरेको हो ।
सभाले पुँजी संरचनामा रहेको संस्थापक र सर्वसाधारण सेयर समूहको विद्यमान ७०ः३० को सेयर अनुपातलाई ६० प्रतिशत संस्थापक र ४० प्रतिशत सर्वसाधारण सेयरमा परिणत गर्ने प्रबन्धपत्रको दफ ६(२) संशोधन गर्ने प्रस्ताव पारित गर्ने छ ।
साथै कम्पनीले संस्थागत सामाजिक उत्तरदायित्व वहन गर्ने क्रममा आर्थिक सहायता प्रदान गर्दा कम्पनी ऐन २०६३ को दफा १०५ १ (ग) ले निर्धारण्ढा गरेको सिमा भन्दा बढी भएको खर्च रकमलाई अनुमोदन गर्ने छ ।
सभाले बीमा समिति, कम्पनी रजिष्ट्रार कार्यालय तथा सम्वन्धित निकायहरुबाट प्रबन्ध पत्र तथा नियामावलीमा संशोधन तथा प्राप्त हुने निर्देशन कार्यान्वयन गर्न संचालक समितिलाई अख्तियारी दिनेछ ।
यस्तै, आर्थिक वर्ष २०७५/७६ को वार्षिक प्रतिवेदन उपर छलफल गरि पारित गर्ने, लेखापरीक्षकको प्रतिवेदन सहित आव २०७५७६ को (एनएफआरएस बमोजिम) असार मसान्तको वासलात, नाफा/हिसाव, सोही अवधिको नगद प्रवाह विवरण र सो सम्वन्धि संलग्न अनुसूचिहरु माथि छलफल तथा पारित लगायतका प्रस्तावहरु पारित गर्नेछ ।
सभा प्रयोजनका लागि कम्पनीले साउन १७ गते एक दिनका लागि बुक क्लोज गर्ने भएको छ ।
वि.सं.२०७८ साउन ८ शुक्रवार १४:३८ मा प्रकाशित
