काठमाडौं । मैलुङ खोला जलविद्युत कम्पनीको आईपीओमा आवेदन दिने भोलि सोमबार अन्तिम दिन रहेको छ ।
कम्पनीले बिक्री खुला गरेको ७ करोड ३६ लाख २८ हजार ६ सय रुपैयाँ बराबरको आईपीमा भोलिसम्म आवेदन दिन सकिने छ ।कम्पनीले प्रतिकित्ता एक सय रुपैयाँका दरले ७ लाख ३६ हजार २८६ कित्ता आईपीओ बिक्रीमा ल्याएको हो ।
कुल सेयरमध्ये १४ हजार ७२६ कित्ता कर्मचारीहरुका लागि र ३६ हजार ८१४ कित्ता सामूहिक लगानी कोष र बाँकी रहेको ६ लाख ८४ हजार ७४६ कित्ता सर्वसाधारणलाई निष्काशन हुने कम्पनीले जनाएको छ ।
उक्त आईपीओमा न्युनतमा १० कित्ता र अधिकतम १ लाख कित्तासम्म आवेदन दिन सकिने कम्पनीले जनाएको छ । आईपीओ निष्काशन तथा बिक्री प्रबन्धकमा सिद्धार्थ क्यापिटल लिमिटेड रहेको छ ।
वि.सं.२०७८ साउन १७ आइतवार ११:२० मा प्रकाशित
